2021 წლის 15 მაისს საპროექტო ჯგუფის წევრებმა საქმიანი შეხვედრა გავმართეთ ქალბატონ მაია ტყემალაძესთან, რომელსაც 2015 წლის მაისში გაუჩდა იდეა შექმნილიყო ხელნაწერი ,,ვეფხისტყაოსანი" და პოემა ერის გამორჩეულ ადამიანებს გადაეწერათ. წიგნის შექმნაზე ზრუნვა კი 2016 წელს დაიწყეს. რიგითი მოქალაქეები, ერის გამორჩეული მამულიშვილები ,,ვეფხისტყაოსნის" სტროფებს წერდნენ იტალიური ,,ფაბრიანოს" ფირმის ფურცლებზე, რომელიც საუკეთესო ხარისხისაა, დროს უძლებს და არ ხუნდება, საწერად იყენებდნენ აკრილის მელანს რომელიც ასევე საუკუნეებს უძლებს. ქალბატონი მაია გვესაუბრა, როგორ გაჩნდა წიგნის შექმნის იდეა. გავიგეთ, რომ, 21-ე საუკუნის ხელნაწერი პოემა ჭიათურა-საჩხერის მეტროპოლიტის, მეუფე დანიელის ლოცვა-კურთხევით ასრულდა, ,,ვეფხისტყაოსნის" ყდის ჭედურობა კი მხატვარმა შალვა გელაძემ შექმნა. პოემის გარდა დაიწერა 2 ხელნაწერიც, ერთი მათგანი შთაბეჭდილებების წიგნია, რომელიც ნინო ჭანკვეტაძემ ჯვალოსაგან დაამზადა, ხოლო ქალბატონმა მაიამ ნიჟარებით შემოსა, მეორე - მადლიერების წიგნი, ბუნებრივი მცენარეებით გაფორმდა.
ქალბატონი მაია საქმიან შეხვედრაზე შეგვპირდა, რომ საპროექტო ჯგუფის წევრებს შეგვხვდება სექტემბერში და მისი დახმარებით წილად გვხვდება პატივი ჩვენი ხელწერაც ამშვენებდეს რუსთველის უკვდავ პოემას.
საპროექტო ჯგუფის სახელით აუწონელი მადლობა ქალბატონ მაიას ამ შემოთავაზებისათვის
მადლიერებით ნიკა შიტიკოვი
No comments:
Post a Comment